洛桑加央 - 心中的雪莲花

སེམས་ཀྱི་གངས་ལྷ་མེ་ཏོག་
(མཚོ་སྣ་སློབ་ཆུང་གི་སློབ་རའི་སྙན་དབྱངས།)

ཚིག་ གཉལ་ཚེ་རིང་དབང་འདུས།
གདངས་ བློ་བཟང་འཇམ་དབྱངས།

སེམས་ཀྱི་གངས་ལྷ་ སེམས་ཀྱི་མེ་ཏོག
རྩེ་མོ་ནམ་མཁར་སྙེགས་པའི་ང་ཡི་གངས་ལྷ་མེ་ཏོག་
སྙིང་སྟོབས་གངས་ལྟར་འགྲན་པའི་ང་ཡི་མཚོ་སྣ་སློབ་ཆུང་།
ཨའ་ མེ་ཏོག་མཛེས་ མཚོ་སྣ་སྐྱིད་
ང་ནི་མཚོ་སྣའི་གཞུང་གི་གངས་ལྷ་མེ་ཏོག་ཡིན་ནོ།


ཁ་ཆར་བུ་ཡུག་ཁྲོད་ཀྱི་ང་ཡི་གངས་ལྷ་མེ་ཏོག
སད་སེར་གྲང་ངར་ཁྲོད་ཀྱི་ང་ཡི་གངས་ལྷ་མེ་ཏོག
ཡ་རབས་ཀུན་སྤྱོད་ལྡན་པ་ང་ཡི་མཚོ་སྣ་སློབ་ཆུང་།
འཚར་ལོངས་མྱུ་གུ་རྒྱས་ས་ང་ཡི་མཚོ་སྣ་སློབ་ཆུང་།
ཤེས་ལྡན་བུ་ཆུང་སྐྱོང་མཁན་ང་ཡི་མཚོ་སྣ་སློབ་ཆུང་།
མེ་ཏོག་མཛེས་ སློབ་གྲྭ་སྐྱིད།
འདི་ནི་དུས་རབས་གསར་པའི་སེམས་ཀྱི་གངས་ལྷ་མེ་ཏོག
འདི་ནི་སེམས་ཀྱི་ཞིང་ཁམས་ང་ཡི་མཚོ་སྣ་སློབ་ཆུང་།


དགུན་གསུམ་གྲང་ངར་མི་སྐྲག་ང་ཡི་མ་ཡུམ་སློབ་གྲྭ།
སེམས་ཀྱི་གུས་ཕྱག་འབུལ་ས་ང་ཡི་མ་ཡུམ་སློབ་གྲྭ།
ཤེས་རིག་གཤོག་རྩལ་ངོམས་ས་ང་ཡི་མཚོ་སྣ་སློབ་ཆུང་།
མ་འོངས་ཕུགས་བསམ་བསྐྲུན་ས་ང་ཡི་མཚོ་སྣ་སློབ་ཆུང་།
ཤེས་རིག་སྒྲོན་མེ་སྤར་ས་ང་ཡི་མཚོ་སྣ་སློབ་ཆུང་།
མཚོ་སྣ་སྐྱིད་ སློབ་གྲྭ་སྐྱིད།
འདི་ནི་ཤེས་དཔལ་དར་སའི་སེམས་ཀྱི་གངས་ལྷ་མེ་ཏོག
འདི་ནི་དར་ཞིང་རྒྱས་པའི་ང་ཡི་མཚོ་ས